வட்டக்கச்சி குண்டுவீச்சுகள் – 1- 20 டிசம்பர் 2008

வட்டக்கச்சி குண்டுவீச்சுகள் – 1- 20 டிசம்பர் 2008

டிசம்பர் முதலாம் திகதியிலிருந்து 22 ம் திகதிவரை வட்டக்கச்சிப் பகுதியில் நடத்தப்பட்ட பயங்கர ஷெல் வீச்சினால் பல பிள்ளைகள் கொல்லப்பட்டதுடன் அவர்களில் பலர் காயமடைந்தனர். டிசம்பர் முதலாம் திகதி பாடசாலையிலிருந்து வீடு நோக்கி நடந்து கொண்டிருந்த 6 வயதுச் சிறுமி நிரோஜனி அருளானந்தம் ஷெல் வீச்சில் அந்த இடத்திலேயே கொல்லப்பட்டார். டிசம்பர் 17ம் திகதி 5 வயதுக் குழந்தையான ரவிசங்கர் ராஜிதன் ஷெல்லடியினால் கொல்லப்பட அவரது தாயார் படுகாயமடைந்தார். இந்த ஷெல் வீச்சில் மேலும் இரண்டு வளர்ந்தவர்கள் கொல்லப்பட்டனர். சகோதரங்களான 8 வயது சிந்துஜாவும் 10 வயது மிதுஷனும் காலிலும், மார்பிலும், வயிற்றிலும் படுகாயமுற்றனர். இக் காலத்;தில் வட்டக்கச்சி மீது நடத்தப்பட்ட தாக்குதல்களில் 19 பொதுமக்கள் காயமடைந்தனர். வட்டக்கச்சியில் இயங்கிக் கொண்டிருந்த வைத்தியசாலையில் அச்சமயம் கடமையாற்றிய வைத்தியர் கிருஷ்ணபிள்ளை பின்வருமாறு கூறினார்:

‘வைத்தியசாலையில் இருந்த 70 உள்நோயாளரும் 550 வெளிநோயாளரும் தம்மை வான்குண்டு வீச்சிலிருந்து பாதுகாத்துக் கொள்ள மிகவும் கஷ்டப்பட்டார்கள். வெள்ளம் நிறைந்த பதுங்கு குழிகளினுள்ளும் பயம் காரணமாக அவர்கள் பாய்ந்தனர். வான் தாக்குதலினால் வைத்தியசாலையின் அறுவைச் சிகிச்சைக் கூடம் சேதமாகிவிட்டது.’