கிழக்குப் பல்கலைக்கழகப் படுகொலை - 23.05.1990

இலங்கையின் கிழக்கு மாகாணத்தில் மட்டக்களப்பு அமைந்துள்ளது. இம் மாவட்டத்தில் வந்தாறுமூலைக் கிராமத்தில் கிழக்குப் பல்கலைக்கழகம் அமைந்துள்ளது. இலங்கையிலுள்ள பதின்மூன்று பல்கலைக்கழகங்களில் கிழக்குப் பல்கலைக்கழகமும் ஒன்றாகும். இப் பல்கலைக்கழகமே தென்கிழக்குப் பல்கலைக்கழகம். 1995ஆம் ஆண்டு ஆரம்பிக்கப்பட முன்னர் கிழக்கு மாகாணத்திலிருந்த ஒரேயொரு உயர்கல்வி நிறுவனம் இப் பல்கலைக்கழகமாகும்.

கிழக்குப் பல்கலைக்கழகத்தில் மூவாயிரம் மாணவர்கள்வரை ஆண்டுதோறும் கல்விகற்கிறார்கள். இவர்களில் ஏறக்குறைய ஐநூறு – எழுநூறு வரையான பட்டதாரிகள் ஆண்டுதோறும் வெளியேறுகின்றார்கள். இப் பல்கலைக்கழகத்தில் கலை, வர்த்தகம், முகாமைத்துவம், விஞ்ஞானம், பௌதீகவியல், கணினி, இசை, நடனம் போன்ற பல்வேறு துறைகள் தமிழ்மொழி மூலம் கற்பிக்கப்படுகின்றன.

1990 ஆம் ஆண்டின் ஆரம்பத்தில் உள்நாட்டு யுத்தம் தீவிரமடைந்ததைத் தொடர்ந்து மட்டக்களப்பு மாவட்டத்தில் பல பகுதிகளிலும் பொதுமக்கள் மீது சிறிலங்கா இராணுவத்தினரின் தாக்குதல்கள் அதிகரிக்கத் தொடங்கின. இதன் விளைவாகப் பொதுமக்கள் அகதிகளாக இடம் பெயர்ந்து கிழக்குப் பல்கலைக்கழகத்தில் தஞ்சமடைந்தார்கள். உலகத்தில் பல்கலைக்கழகங்கள், வைத்தியசாலைகள், பாடசாலைகள், வணக்கத்தலங்கள் போன்றவற்றில் பொதுமக்கள் தங்களைப் பாதுகாப்பதற்காகச் தஞ்சமடைவது வழக்கமாகும்.

அவ்வாறே கிழக்குப் பல்கலைக்கழகத்திலும் பொதுமக்கள் தஞ்சமடைந்தனர். 1990.05.23 அன்று சத்துருக் கொண்டான் இராணுவ முகாமிலிருந்து பெருந்தொகையான இராணுவத்தினர் வாகனங்களில் பல்கலைக் கழகத்திற்கு வந்து பல்கலைக்கழகத்தில் அகதிகளாகத் தஞ்சமடைந்திருந்த இளைஞர்களில் ஐம்பத்தெட்டுப் பேரைக் கைதுசெய்து கைகள், கால்கள் கட்டி இராணுவ வாகனங்களில் ஏற்றி எல்லையோரக் கிராமங்களுக்கு கொண்டு சென்று, கைது செய்தவர்களைத் துப்பாக்கிகளால் சுட்டும், ஏனைய கூரிய ஆயுதங்களினால் தாக்கிப் படுகொலை செய்தனர். 1990.05.24 இல் மீண்டும் கிழக்குப் பல்கலைக்கழகத்திற்கு வந்த இராணுவத்தினர் அங்கு தஞ்சமடைந்திருந்த நூற்றிஅறுபத்தெட்டுப் பொதுமக்களை வயது வேறுபாடுகள் இன்றிக் கைதுசெய்து கொண்டு சென்று, முதல் நாள் போன்றே இவர்களையும் சுட்டும், வெட்டியும் படுகொலை செய்தனர்.

கிழக்குப் பல்கலைக்கழகத்தில் தமது உயிர்களைப் பாதுகாப்பதற்காக தமது வீடுகள், சொத்துக்கள் உடப் ட அனைத்து உடமைகளையும் இழந்து மூன்று வேளை உணவினை ஒழுங்காக உண்ண முடியாமல் அகதிகளாக இருந்த பொதுமக்களில் இருநூற்றிஇருபத்தாறு பேர் இராணுவத்தினரால் கைதுசெய்து கொண்டு செல்லப்பட்டு படுகொலை செய்யப்பட்டார்கள். அத்துடன், பலர் காணாமல் போனார்கள்.

23.05.1990 அன்று கிழக்குப் பல்கலைக்கழகப் படுகொலையில் கொல்லப்பட்டோர் விபரம்: